Rinora Gojani është Menaxhere e Programeve dhe Operacioneve Balkan Green Foundation. Ajo ka një përvojë të gjerë pune në hulimtim, avokim, ngritje të kapaciteteve, angazhim të niveleve qytetare, mbledhje fondesh, dhe menaxhimin e projekteve të përqendruara në zhvillimin e qëndrueshëm, demokratizimin, politikën e Ballkanit Perëndimor dhe proceset e integrimit në BE. Rinora ka një diplomë Masteri në Politikë Evropiane, me fokus në politikën energjetike, nga Kolegji Universitar i Dublinit. Ajo ka një pasion për sportet në natyrë, në veçanti për çiklizmin, hiking, dhe ngjitje në gurë.

Fjolla Qorri është Koordinatore e Programeve në Balkan Green Foundation. Fjolla ka të përfunduar studimet e nivelit bachelor në Politikën Publike dhe Menaxhim në RIT Kosova si dhe Gjuhën dhe Letërsinë Frënge në Universitetin e Prishtinës.

Ajo ka dy vite përvojë në sektorin publik dhe ka qenë e angazhuar si hulumtuese në fushata të ndryshme elektorale lokale dhe kombëtare që kanë avokuar për politika të gjelbra. Ka publikuar tezën e saj “Psikologjia e votimit në Kosovë”. Pasionet e Fjollës përfshijnë shkencën e sjelljes, shahun dhe gjuhët e huaja.

Doruntina Murati Gashi është Menaxhere e Financave për gati katër vite në BGF. Ajo është përgjegjëse për kontabilitetin dhe menaxhimin financiar të organizatës. Ajo gjithashtu është e përfshirë në raportime të drejtpërdrejta financiare për donatorë të shumtë dhe menaxhimin e auditimeve të jashtme. Përvojat e saj përfshijnë kontabilitetin, raportimin financiar, taksimin, pasqyrat financiare dhe ka njohuri për Standardet Ndërkombëtare të Raportimit Financiar (SNRF). Doruntina ka një diplomë Bachelor në Bankë, Financa dhe Kontabilitet nga Universiteti i Prishtinës, Fakulteti i Ekonomisë. Gjatë kohës së lirë, ajo shijon ecjet në natyrë, gatimin dhe ka një pasion për dizajnin interior.

Diona Grezda është Hulumtuese e Lartë në Balkan Green Foundation. Ajo ka diplomuar në fushën e juridikut në Universitetin e Prishtinës dhe ka përfunduar masterin për Marrëdhënie Ndërkombëtare në Universitetin e Szeged. Diona ka filluar të punojë në sektorin e shoqërisë civile në vitin 2019 dhe ka hartuar raporte politikash për tema të ndryshme, duke përfshirë politikën e jashtme, integrimin evropian, bashkëpunimin rajonal etj. Asaj  i pëlqen të ecë në natyrë, të lexojë dhe të udhëtojë.

Fijona Kurshumliu është koordinatore dhe hulumtuese e projektit në Balkan Green Foundation. E diplomuar në Inxhinieri dhe Menaxhim të Energjisë, ajo ka qenë e angazhuar më parë si konsulente për efiçiencë të energjisë dhe ka menaxhuar projekte në lidhje me qëndrueshmërinë në një OJQ lokale. Përvoja e Fijonës qëndron në drejtimin e rezultateve të suksesshme në projektet e fokusuara në qëndrueshmëri.  Në orët e lira, asaj i pëlqen të lexojë dhe mban një mënyrë jetese aktive përmes notit dhe çiklizmit.

Andina Vllahiu është Koordinatore e Projektit në Balkan Green Foundation. Ajo ka përvojë të gjerë duke punuar në sektorin privat në fushën e promovimit, eksporteve dhe shitjeve, në institucionet publike në fushën e mjedisit, si dhe  në OJQ, në advokim dhe adresimin e çështjeve dhe sfidave të anëtarëve për çështje të lidhura me politikat, hartimin e deklaratave, dokumente të pozicioneve, hulumtime dhe raporte. Andina ka punuar për gjashtë vjet në mes Kopenhagës dhe Prishtinës duke kontribuar në fushën e mjedisit dhe duke ndihmuar institucionet publike në trajnimin e stafit dhe promovimin e Kosovës në nivel ndërkombëtar. Andina ka diplomë bachelori në Politika Publike dhe Menaxhim si dhe diplomë në nën-degën Studime Juridike nga RIT Kosova. Ajo ndan dashurinë për muzikën, jogën, ecjen dhe çiklizmit.

Miranda Pacolli Dibra është Zyrtare e Projekti në Balkan Green Foundation. Miranda ka përvojë pune në projekte për ngritjen e kapaciteteve dhe përvojë afatgjate në Komunën e Prishtinës si përkthyese e gjuhës shqipe - serbe - angleze, gjithashtu ka qenë e angazhuar në sektorin privat në fushën e burimeve njerëzore dhe ka diplomë bachelori në Psikologji nga Universiteti i Prishtinës dhe diplomë masteri në Administrim Biznesi nga Universiteti Staffordshire. Ajo pëlqen të dizenjojë dhe krijojë bizhuteri dhe rroba nga materiale të ricikluara, të lexojë, pikturojë dhe të ecë në natyrë.

Egzona Aruqaj është Zyrtare e Komunikimit në Balkan Green Foundation. Ajo ka tri vite eksperiencë pune në fushën e Marketingut dhe Organizatave Joqeveritare, me fokus kryesisht në përmirësimin e sistemit edukativ në Kosovë. Përveç kësaj, ajo ka qenë e përfshirë në punë vullnetare dhe ka ndjekur trajnime të shumta rreth të menduarit kritik, edukimit mediatik, marketingut dixhital dhe fuqizimit të komuniteteve të margjinalizuara. Egzona mbanë një diplomë të nivelit Bachelor në fushën e Sociologjisë nga Universiteti i Prishtinës. Nga aspekti i pasionit, asaj i pëlqen të njoh njerëz të rinj, bota e luleve, kafshët, arti dhe videolojërat.

Alban Bytyqi mbanë pozitën Zyrtar i IT-së në Balkan Green Foundation. Ai ka më shumë se 14 vite eksperiencë në fushën e Informatikës dhe Teknologjisë, specifikisht në projekte që mbulojnë zhvillimet softuerike.

Albani ka përfunduar studimet e nivelit Bachelor në fushën e Shkencave Kompjuterike në Universitetin e Prishtinës, si dhe është i certifikuar në CCNA nga Akademia Cisco Certified Network Associate. Për nga pasioni, ai pëlqen çiklimin dhe ngjitjet në natyrë.